SATRIA NEGARA

SATRIA NEGARA

Dening : Aksara Sudra

(diarani cumantoko mangga kersa,

Jalaran ukara iki ambrol kaya lumbering

Segara tanpa kuwawa ngrekso)

Kabeh pancen wus dumadi

jangkaning jagat tan bisa diselaki maneh

pancen ora jumbuh karo gegayuhan dek wingi uni

Kabeh wus dumadi

SATRIA NEGARA ngadek mandegani praja diraja

asilap kaca Negara

tan prabeda ratu timur mbangun

BALAI SIGOLO-GOLO

Kabeh pancen durung kewaca

iku abang,ijo utawa biru

nanging jangkaning jagat kudu dumadi

ya iki jaman KALA CUBRIYA ….!

 Panguasa pada suwala ing janji

ilang rasa pangrasa marang kawula

SATRIA NEGARA among paring sanggan tanpa kaluwihan

Kanggo migunani kawula alit

Kabeh among butuh mejeng

kareben disawang kajen

tanpa nggawa pangerten negari

Nuswantara kang suci