GODONG GEDANG

GODONG GEDANG

Dening : Aksara Sudra

Simbok…..

Godong gedang dadi sasmitamu

Antarane gegayuhan lan tuladha

Reroncening godong isih tansah katon ing wewayangan

rina kelawan wengi

Simbok…..

Ijone godong gedang iku

Isih kewaca garis garis tuladha tanpa cela

Kabeh tumata rata kaya samodra legawa ing tyas

Simbok…..

Tanpa kanyana, datan kinira

Menawa godong gedang iku

Sasmita nyata panjenengan

Ninggal lunga nututi bapa

tumuju balai suwarga